Kampanjeutvikling
Vi er både kommunikasjon- og produksjonsbyrå og utviklar kampanjar heilt frå idé til ferdig produkt. Vi kjenner organisasjons-Noreg godt og jobbar med kampanjar som skal formidle bodskap og inspirere til handling.
Vårt tredje kampanjesamarbeid med SAIH vart ein braksuksess! Vi spleisa utviklingsminister Dag-Inge Ulstein med Lånekassa og no skal Noreg dele kunnskap og bygge kapasitet for høgare utdanning globalt.
For Kirkens SOS: Vi fekk gutar til å chatte om vonde følelsar. Vi gjorde konseptutvikling, produserte kampanjefilmar, trykksaker, plakatar og annonser i ulike format.
Vi laga ein minister for LNU! Konseptet utvikla vi saman med ei frivillig gruppe, og resultatet vart ein nettserie på fire episodar om klima-kunnskapsminister Torbjørn Grønn Isaksen.
Filmproduksjon
Med gode idear i botnen lagar vi filmar som gjer det lett å relatere seg til og engasjere seg i komplekse tema, og leverer både live-action og animasjon i ønska format.
Elevorganisasjonen og Press kom til oss med gode idear for ein serie filmar for å promotere «Vi deltar», ein praktisk veileder for korleis ein sikrar god brukarmedverking i skulen. Vi hjalp dei med produksjonen.
I høve søknadsfristen for opptak til vidaregåande skule 2019, hjelpte vi Entrepenørforeningen Bygg og Anlegg si avdeling i Oslo å lage ein film retta mot foreldre.
Forbrukerrådet avdekka at Google lurer oss til å godta at dei lagrar lokasjonsdata om oss. For å nå ut med nyheita filma vi reaksjonane til frivillige då vi viste dei kor mykje informasjon som ligg i dataa deira.
Animasjon
Von har opparbeida ei brei portefølje av animasjonsfilm og bevegelsesgrafikk, også i kombinasjon med filmfoto. Vi leverer primært 2D-animasjon, men har også erfaring med stop-motion.
Vi produserte tre animasjonsfilmar for SLUG då dei ville fornye nyheitsbrevet sitt. Vi baserte designet på Jenny Jordahl sine teiknestriper som også var ein del av nyheitsbrevet.
Vi kombinerte animasjon og filmfoto i prosjektet «Bryt lydmuren» for å underbygge forteljingane til tre ungdommar. KFUK-KFUM brukte filmane som ein del av eit samtaleopplegg.
Korleis bygge ei fuglekasse til kjøttmeis? Under prosjektet «Oppdrag Fuglekasse» presenterte vi oppskrifta som ein stop-motion-film.
Direktestrøyming
Konferanse, seminar, møte, stunt eller andre arrangement? Vi har fleksible og stabile løysingar og strøymer direkte til ønska plattform.
Vi strøymde direkte frå Oslo domkirke då Nei til atomvåpen og Norges kristne råd markerte Hiroshimadagen 6. august 2020.
Ved fleire høve har vi strøyma direkte for Forbrukerrådet, mellom anna ein tre-kameraproduksjon frå Latter i Oslo. Klikk på bildet for å sjå opptaket av sendinga.
Klikk for å sjå ein kortversjon av då vi gjorde eit Live stream-stunt for Forbrukerrådet, og las appvilkår i 32 timar!
Grafisk design
Von utviklar nye grafiske profilar, men kan også analysere, tilpasse og modernisere etablerte identitetar, både for aktørar og kampanjar eller konsept. Vi lagar grafisk design for trykksaker og web, samt innhald til sosiale medium.
I ei tid der arbeiderrettar stadig er på prøve trong NTL å bygge identitet og stolthet under landsmøtet sitt. Vi leverte ei total designoppleving frå innkalling til avreise.
Vi designa rapporten «Det å reise vasker øynene – Gjennomgang av 106 barnevernsaker» for Statens helsetilsyn.
For Rettferdskonferansen 2019: Vi designa annonsar som vart publisert i Vårt Land, både på nett og i papiravisa, og ein plakat i tillegg til alle flatene deira på Facebook.
Podcast og lydarbeid
Vi produserer podcastseriar og radioreklamar, og er med på ein, fleire eller alle delar av prosessen: idé, forarbeid, reportasjereiser og intervju, klipp, lyddesign og ferdigstilling.
Vi lagde første sesong av den norske versjonen av TaxCast for Tax Justice Network. Klikk og høyr! Seinare har vi hjelpt dei å omprofilere podcasten som no heiter Pengeland.
Vi lagde podcasten Gjeldsbrevet for SLUG - Nettverk for rettferdig gjeldspolitikk. Klikk og høyr!
Rådgjeving
Bak kvart prosjekt ligg det analyse og strategiarbeid for å sikre at det vi produserer gjev ønska resultat. Der det trengst, samarbeider vi med Agenda Rådgiving om dette.
Vi skreiv ei historiebok for Changemaker. Vi samla 25 års historie, henta helsingar frå eksterne og ga den ut i forbindelse med jubileumet.
Vi gjennomførte ei undersøking for KFUK-KFUM Global om ungdommar og etisk handel. Den blei brukt som grunnlag for ein kampanje.
Vi var med som konsulentar på eit omfattande prosjekt hos Fylkesmannen i dåverande Oslo og Akershus. Korleis skal ein bruke tolk i samtale med born?