FN sin traktat om forbod mot atomvåpen (TPNW) ble vedtatt av 122 statar i 2017 og nedfelte ei gong for alle det som har blitt etablert i fleire tiår: Atomvåpen er umenneskelege og uakseptable! TPNW er eit resultat av at verdsflertalet seier nei til atomvåpen, likevel har ikkje Noreg signert.

I mars 2023 ble det arrangert konferanse i Oslo. Det var den norske avdelinga av den internasjonale kampanjen for å avskaffe atomvåpen sin tur. Til det trong dei ein grafisk profil og materiell, og Von bidro med råd, design og videoproduksjon.

Takk til ICAN Norge for tillatelse til å vise bilete frå arrangementet. Dei er tatt av Alex Baker og Morgan Mackay. Bileta i studio har vi stått for sjølv.

Vi hjelpte Asker kommune med å skape engasjement for berekraftsmåla.

Då dei tidlegare kommunane Asker, Røyken og Hurum slo seg saman ble det bestemt at ein skulle bruke FN sine 17 berekraftsmål som eit overordna rammeverk for politisk og administrativt arbeid. Arbeidsprogrammet ble kalla «Bærekraftige Asker». Etter godt arbeid med intern forankring ønskte kommunen ein film som viste fram innbyggarretta kommunikasjon og skape engasjement for arbeid med berekraftsmåla. Vi laga ein film som knytta det heilt lokale som kvar enkelt av oss kan gjere opp mot det globale, og viste innbyggarane at dei kan vere stolte av jobben som gjerast, og inspirere til at dei sjølv bidreg til eit berekraftig Asker.

FN-sambandet utviklar tverrfaglege ressursar for læring om berekraft for alle typar skule, som både viser det globale samspelet mellom sosiale, økonomiske og miljømessige forhold, og korleis utfordringane i verda heng saman. Dei ønskte hjelp til å lage ein introduksjonsfilm som del av dette heilskaplege materiellet for undervisning.

Akademiet for yngre forskarar ønskte ein podcast som ikkje handla om forskningsresultat, men om livet som forskar. Vi syns det var eit spennande utgangspunkt og utvikla saman med AYF «Forskerrådet», kor gjestar i studio forklarer litt om sitt forskarliv knytt til ulike tema. Von har fungert som produsent og bidrege med å forme innhaldet, samt promotering for to sesongar.

Visuelt jobba vi fram eit profilkonsept og ei gjenkjenneleg ramme som gjorde det lettare å etablere og promotere podcasten. Løysinga ble å bruke fotnote eller asterisk-stjerne som eit berande element i designet. Det typografiske verktøyet, velkjent for alle som les og skriv akademisk tekst, skapte rom for å fylle podcast- og episodetitlar med innhaldsbeskrivelsar på ein effektiv måte. Vi valde eit minimalistisk og konservativt stiluttrykk som låg tett opp til eit visuelt kategorispråk nytta av aktørar i same nedslagsfelt, og samtidig spelte på lag med den eksisterande designprofilen til AYF.

Miljørabatt og kjøpsfordelar for elbilistar er naudsynt for at Noreg skal nå klimamåla for 2025. Vi hjelpte Elbilforeninga med få fram dette bodskapet med to animasjonsfilmar i starten av 2021.

Seinare på året hjelpte vi dei å presentere ytterlegare statistikk om elbil med tre korte filmar til bruk i sosiale medium.

Istanbulkonvensjonen er ein internasjonal lov som skal beskytte alle som opplever vald frå ein som står dei nær. Jamleg undersøker sivilsamfunnet kor godt Noreg tek dette ansvaret, og resultata publiserast i ein skuggerapport. Krisesentersekretariatet, JURK og Sanitetskvinnene leia arbeidet med rapporten i 2020. Då koronapandemien gjorde det vanskeleg å arrangere fysisk rapportlansering, fann trekløveret ut at dei heller kunne annonsere funna i ein animasjonsfilm. Vi hjalp dei med filmmanus, design og animasjon. Filmen blei lansert under ei internasjonal markering for avskaffing av vald mot kvinner.

Er det lov for skulen å halde temperaturen låg for å spare penger? For rektor å ignorere elevrådet? For skulen å ikkje ha ein helsesjukepleiar tilgjengeleg? Å dra når læraren er 15 minutt for sein til timen?

Elevorganisasjonen og Press kom til oss med gode idear for ein serie filmar for å promotere «Vi deltar», ein praktisk veileder for korleis ein sikrar god brukarmedverking i skulen. Vi hjelpte dei med produksjonen.

Kirkens Nødhjelp jobbar for ein ny lov som skal forplikte næringslivet til å vite korleis varane dei sel er produsert. Dei vil sikre at det ikkje skjer menneskerettsbrot og utnytting av arbeidarar. Vi hjelpte dei eit stykke på veg med kampanjeinnhald til sosiale medium.

Det var viktig å få publikum engasjert for å legge press på politikarane. Difor inviterte vi følgarar til å delta på quiz, svare på spørsmål og undersøkingar, og det viste seg å vere ein effektiv måte å aktivere folk på. Kirkens Nødhjelp fikk dessutan tal å vise til. Kampanjen skapte meir engasjement enn nokon dei hadde køyrt tidlegare, og kort tid etter la regjeringa fram eit forslag til lov som langt på vei vart det Kirkens Nødhjelp med andre har etterlyst!

Sjå deler av kampanjen hos Kirkens Nødhjelp på Instagram og Facebook.

Verda over går unge vaksne glipp av høgare utdanning fordi dei ikkje har gode lån- og stipendordningar. Vi laga ein kjærleikskampanje der vi ville få utviklingsminister Dag-Inge Ulstein til å gå på date med Lånekassa for å skape «Lånekassa for utdanning». Dette fekk vi til, og no skal Noreg dele kunnskap og bygge kapasitet for høgare utdanning globalt!

Sjå heile kampanjen på lanekassaforutvikling.no

Forbrukerrådet sin rapport «Every Step You Take» avdekka at Google lurer oss til å godta at dei lagrer kor vi er til ei kvar tid. For å nå ut med nyheita filma vi reaksjonane til frivillige som fekk sjå kor mykje informasjon som ligg i dataa deira.

Kva synest foreldre er viktig når ungdommen skal bygge framtida si?

Mange fuglar slit med å finne ein god plass å byggje reir. Miljøagentane, Naturverforbundet, Norsk Ornitologisk Forening og vi laga Oppdrag fuglekasse for å inspirere heile folket til fuglekassedugnad!

Sjå kampanjen her: www.oppdragfuglekasse.no

Undersøkelsar barne- og ungdomsorganisasjonen KFUK-KFUM hadde gjort viste at ungdommar i videregåande-alder syntest det er vanskeleg å snakke om tru. Dei ønskte å lage filmar som kunne innleie eit samtaleopplegg rundt det å snakke høgt om at ein er kristen. Vi bidrog med konseptutvikling og produksjon.

Vi designa rapporten «Det å reise vasker øynene – Gjennomgang av 106 barnevernsaker» for Statens helsetilsyn. I samanheng med det lagde vi illustrasjonar som også blei brukt til presentasjonar og ein rollup.

Vi laga ein film til Norges kristne Råd si kampanjeveke om slaveri.

For Kirkens SOS: Vi fekk gutar til å chatte om vonde følelsar. Vi gjorde konseptutvikling, produserte kampanjefilmar, trykksaker, plakatar og annonser i ulike format.

I løpet av veka filmane gjekk i sosiale medier besøkte over 9 000 i alderen 15-25 år Kirkens SOS si sjølvmordsførebyggande chat-teneste. Over halvparten av desse var gutar og unge menn. Ei vanlig veke får chatten besøk av 900 i snitt.

Framtiden krever sterke fellesskap! I en tid hvor arbeiderrettighetene stadig er på prøve trengte NTL å bygge identitet og stolthet under landsmøtet sitt. Vi leverte en helhetlig designopplevelse fra innkalling til avreise.

Oppdraget bestod av:

– Utvikling av profil og slagord
– Design for skjerm og trykksaker
– Webutvikling
– Animasjonsfilm

Tilbakemeldingene vi fikk fra NTL var at designet fungerte godt, og bidro til engasjement og identitetsbygging under møtet.

«Von leverte et flott design til vårt landsmøte. Prosessen fram mot landsmøtet var preget av at Von leverte gode forslag, var lyttende til våre innspill og leverte raskt. De har svært god kompetanse på alle designområder, er nytenkende og jeg benytter dem gjerne igjen.»

Tove Lise Granli, informasjonsansvarlig NTL 

Saman med Barne- og likestillingsdepartementet og fleire universitet og høgskular samarbeider NHO med å få fleire jenter til å velje ei utdanning innan teknologi. Foreldre er den viktigaste rådgjevaren når unge skal velje studieretning. Vi laga ein film for å inspirere foreldre til å sjå på mogelegheitene innan teknologifag.